Ongizate eta Babesaren Koordinazioa (OBK) Lanbide Heziketan
Ongizate eta Babesaren Koordinatzailearen (OBK) figura funtsezko elementua da Lanbide Heziketako ikastetxeetan hezkuntza-ingurune seguruak, inklusiboak eta babesleak sustatzeko. Prestakuntza-ekintza honen bidez, figura honi dagozkion eginkizunak eta indarrean dagoen arau-esparrua modu praktikoan ezagutzeko aukera eskaini nahi da, prebentzio-ekintzak bultzatzeko, arrisku-egoeren aurrean erantzun koordinatuak garatzeko eta ikastetxeetan tratu onaren kultura indartzeko tresnak eskainiz.
Era berean, prestakuntzak profesionalen arteko esperientzia-trukea sustatuko du, baita ongizatearen eta babesaren koordinazioarekin lotutako eginkizunak garatzean sor daitezkeen zalantzak partekatu eta argitzeko gunea ere eskainiko du.
Helburuak:
- Adingabeen babesaren arloan indarrean dagoen lege-esparrua ezagutzea.
- Tratu onaren kontzeptuari buruz hausnartzea, egungo araudiaren ikuspegitik.
- Ongizate eta Babesaren Koordinazioaren (OBK) eginkizunen eta Bizikidetza Taldearen funtzioen arteko loturak identifikatzea.
- OBK figuraren eginkizunak Lanbide Heziketan garatutako jardunbide egokiekin lotzea.
- Indarkeria mota desberdinen aurrean prebentzio- eta babes-protokoloen ezagutzan hasten hastea.
TALDEA | TOKIA | DATAK | ORDUTEGIA | HIZKUNTZA | IZENA EMATEKO ESTEKA |
|---|---|---|---|---|---|
OBK formakuntza - 1 Edizioa - Bizkaia | CIFP IURRETA LHII (Bizkaia) | Urriak 01 | 09:00 - 13:30 | Euskara | |
OBK formakuntza - 2 Edizioa - Gipuzkoa | iTlent (Gipuzkoa) | Urriak 06 | 09:00 - 13:30 | Euskara |
Datak: 2026ko urriak 1etik araroak 5era
Iraupena: 10 ordu
- Aurrez-aurreko saio 1: 5 ordu:
- Ikastaroa (Bizkaia): Urriak 01 Iurretan 09:00 - 13:30.
- Ikastaroa (Gipuzkoa): Urriak 06 iTlent-en (Errenteria) 09:00 - 13:30.
- Asinkronoak (ikasgelako praktikak, online jarduerak…): 5 ordu:
- 2026ko urriak 01 - azaroak 05 (Moodle)
Izena emateko epea: 2026ko irailaren 24tik 2026ko irailaren 30era.
Ebazpena: 2026ko irailaren 29an, izena eman duten pertsonei posta elektronikoz jakinaraziko zaie prestakuntzan onartuak izan diren ala ez. Onartutako pertsonak zuzenean matrikulatuko dira, emandako datuak erabiliz matrikulen kudeaketa-sistemaren bidez.